Dåpskake

God morgon.

 

Her er resultatet av dåpskaka eg laga til helga. Sukkerbotn fylt med bringebærsyltetøy, vaniljekrem, fløytekrem og friske bringebær. Trekt med marsipan og pynta med marsipan og sukkerpasta. Eg føler eg ikkje har heilt teken på roselaging, så derfor vart det ei kaka utan blomar. Så får eg heller lære meg å lage fine roser til neste gong.

Inspirasjon har eg henta frå fine Tonerose sin blogg som du finn her. Ta gjerne ein tur innom, ho lager så utrulig mykje fint.

 

 

 

Litt salt på kakebordet vart ein slager, særs hos dei søte små. Godt å ha eit alternativ til alt det søte.

 

 

Ynskjer alle ei fin start på helga. Kanskje er det sommarferie for nokre? Me har ei veke igjen, så tar me vår etterlengta feeeerie.

-bestefølelseniverden-

 

Fredagsklem frå meg =)

 

 

17. mai

Hurra for 17.mai!

Gratulera med dagen til alle der ute.

 

 

Me har hatt koselig familiebesøk i dag både på formiddagen og ettermiddagen. Serveringa har vore den tradisjonsrike rømmegrauten med spekemat og anna godt tilbehør. Ingen 17.mai utan rømmegraut for min del.

 

 

Borddekkinga i dag vart enkel med 17.mai tema sjølvsagt.

Nokre eplegreiner frå hagen med alldeles nydelig duft og kvitveis plukka saman med storesøster. Må bare sei at stova mi dufter nydelig godt etter eg tok inn desse eplegreinene i går.

-sommerkjensle-

 

Fekk så lyst å lage skuleboller, hugser godt mamma lagde skuleboller til oss, og det var noko av det beste me kunne få av bakst. Syns det er så koselig å gjere ting for ungane som eg syns var kjekt å få sjølv som liten. Bringer gode minner.

 

 

Ostekake etter oppskrift frå GodMorgenNorge og Ida som vann "hele Norge baker". Den var enkel å lage og veldig frisk og god=) Med god hjelp til pynting av storesøster vart den eit fint innslag i 17.mai feiringa.

 

 

Storproduksjon av både boller, brød og rundstykker. Når ein først byrjer å bake så kvifor ikkje fylle opp frysen litt? (Dette blei forresten gjort i går). 

 

 

 

Ein enda enklere borddekning til kaffigjestene. I dag ville eg bruke lite tid på slike "materielle" ting og heller bruke tida på ungene og familien. Rett og slett nyte dagen saman(og ete masse is).

 

 

Litt av bordpynten var mamma`s gamle bunadsbelte og søljer. Enda fleire gode minner frå mi gode mor som eg diverre ikkje har med meg lenger.

 

 

Håper dåke har hatt ein like fin 17.mai feiring som meg og ynskjer dåke ei god pinsehelg. Vèrgudane var ikkje heilt med oss her i dag, men i morgon derimot er det meldt sol og 23 grader. Håper, håper, håper det blir som meldt!!

Søtsaker

God mandagskveld!

Her kjem kakebileta frå den koselige bursdagsfeiringa mi saman med venninner. Alle oppskriftene eg har brukt her er frå passion4baking sin blogg. Den dama lager så utrulig mykje fine kaker og andre delikate søtsaker.

Denne kaka heiter Oreo & Strawberry cheesecake, oppskrifta finn du her. Ei kake som var enkel å lage og den kan du jo faktisk ha på lur i fryseren også. Eg tok den opp eit par timer før servering og då var den akkurat passe frossen.

Smaken var heilt nydelig!

Så var det desse makronene eg nemnte i forrige innlegg. Så lenge har eg tenkt å prøve meg på desse, men har høyrt at det er ganske vanskelig å få til så har liksom ikkje vågt meg utpå. Men endelig fekk eg mota meg opp til å prøve. Framgangsmåten er i grunn såre enkel, men mykje kan skje.

Hadde litt pink pastafarge i massen ilag med white icing color fra Wilton for å få ein litt meir pastelrosa farge.

Nokre tips på vegen til vellykka makroner:

*Ha heilt rein og tørr bolle når du visper eggekviten

*Eggekviten må ha romtemperatur, ha dei gjerne ute eit døgn

*Ha ei ekstra bakeplate under i omnen

*Ikkje bruk varmluft

*La dei stå å tørke i ca ein time før steiking, til det danner seg ei skorpe på overflaten

Såg dåke på HeleNorgeBaker i går? Vel, eg tviler på at Pascal hadde blitt "glad i munnen sin", men eg må sei meg nøgd. Det er smaken som teller mest og her syns eg smaken var heilt nydelig=)

Oppskrifta finn du her.

 

Til slutt eit bilete av cupcakes som eg nesten alltid har i selskap. Denne gangen prøvde eg Pink-white velvet cupcakes. Sjølve muffinsen vart mykje saftigare enn mange av dei andre oppskriftene eg har prøvd. Sjølv etter to dagar var den saftig og kremen frisk og god.

 

Til pyntinga fekk eg god hjelp av storesøster(3 år), så det vart så som så, men som sagt; det er smaken som teller!

 

 

I dag har me vore på 6-vekers kontroll. Og jammen har litlebror vokst! Han har strekt seg ein cm i veka, heilt utruleg kor fort det går!

 

Ynskjer alle som er innom ein finfin mandagskveld! Tenkte eg skulle prøve å komme meg tidlig i seng i dag så eg får lest nokre kapittel om Harry Hole utan at det går utover nattesøvnen. Vanskelig å legge frå seg!=)

Jentebursdag

God laurdagskveld!

 

Her har me endelig fått feira 3-årsdagen til storesøster i dag. Kan tru ho har gleda seg stort til denne dagen, men det har vore såå lenge å venta. Måtte nesten venta til litlebror var blitt litt større før me fylte huset me barn. Dagen har vore kjempekoselig, både for store og små.

 

 

Rosafaktoren var høg då me diskuterte kva tema til bursdagen skulle vera. Roosa og litt lilla. Mor syns det er heilt greit med rååsa sidan ho er så glad i fargen sjølv.

-gladfarge-heimalaga pomponger-

 

 

I går kveld fekk eg bakt ei sjokoladekake med marsipantrekk. Den har eit lag med oreokrem og eit lag med melkesjokoladekrem inni. Mmm, skikkelig saftig og god! Tanken var at eg skulle øve meg litt til dåpskaka. Så pynten vart slikt diamantmønster. Syns det er så fint! Første gong eg prøver det, så ser det trengs litt øvelse her ja. Kjenner eg gleder meg skikkelig til dåpsplanlegging no.

 

Planen var å pynte kaka med ei slik 3D krone som eg laga av royal icing(melis og eggekviter), men då eg skulle ta den av papiret sklei den og deisa i gulvet. Vel, vel tenkte husmora midt mellom amming, gulvvask og borddekking, -noko måtte det jo vera. Ikkje så mykje å gjera med, så ingen grunn til å bli alt for oppgitt. Bedre lykke neste gong=)

 

 

Bordet fekk eg ikkje tatt bilete av før gjestene var plassert og kaka spretta. Men ein enkel dekning med einstilksroser, tallerkner og kopper med prinsesser på og lilla polkadots-servietter og lilla sugerøyr.

 

I går var storesøster med og laga lilla og rosa gele, kan tru det var stas! Syns det var genialt å ha dei i slike glas, lite søl og lite oppvask.

 

No har roen senka seg og oppvasken er tatt. Husbonden har laga laurdagspizza så no er me klar for sofakos og snart artistgalla.

Hærlig.

 

Ein god laurdagskveld til deg!! =)

Eit lite livstegn og dåpsgaver

God kveld!

 

Eit lite livstegn frå denne kanten i kveld.

Her har det skjedd store ting den siste tida!

Eg er blitt tobarnsmamma!! <3

Verdas skjønnaste prins kom til verda 05.mars.

Så denne firarfamilien har hatt litt andre ting å tenke på i det siste, derfor er bloggen blitt nedprioritert. Men etter ein heilt fantastisk påskeferie har me fått lada batteria og eg kjenner energien kjem tilbake! Med det høyrer det til både interiørprosjekt, hobbyprosjekt og anna forefallande vårpyssel som sjølvsagt må bloggast om etterkvart.

Det er ein av dei kjekkaste tinga med bloggen syns eg, at ein får den ekstra piffen til faktisk å gjennomføra prosjekt som gjerne har vore i tenkeboksen i lengre tider! Få vise det fram her og få slike gode og varme tilbakemeldingar! Det gir inspirasjon og motivasjon til tusen!

 

 

Bileta i dag er frå dåpen til niesa mi.

I forrige innlegg skreiv eg om gavemaraton. Tanken var å ha nokre oppfølgingsinnlegg om det, men det gjekk ikkje heilt etter planen. Så då får eg ta det litt innimellom som det passar i staden.

 

 

I dåpsgave sydde eg denne gammelrosa heildressen i hærlig mjuk fleece. Den har armer og bein i stretchribb så den passer leenge. Jenta mi har brukt ein slik i ca to år og den passar så vidt enda. Den fekk seg ei alvehette med stjerne på og blomsterfòr og ei stjerne framme på brystet. Den er str 1-2 år så den vil nok passe frå hausten av tenker eg. Ho fekk også ei bleiekake frå oss, men det kjem bilete av i neste innlegg.

 

 

Sidan eg var høggravid på denne tida hadde eg ikkje noko særlig energi til å laga dåpskake, men cupcakes ville eg no laga, det er ikkje fullt så krevande.

 

 

Eg laga to ulike, ein vaniljecupcakes og ein sjokolade, begge frå boka "Love Manuela". Figurane er laga i marsipan der eg har brukt stempel til å trykka på dei. Formene fann eg på Tonerose sin blogg, skreiv dei ut, klypte og limte dei saman. Vart så mykje finare enn vanlige former(som ofte blir fettete etter steiking) Ho har såå mykje fint inne på bloggen sin. Blir heilt overinspirert(om det er noko som heiter?).

 

 

Til slutt eit bilete av dåpskaka dei hadde. Til inspirasjon for meg som har tenkt å lage kaka sjølv til dåpen me skal ha om nokre månader. Har bestilt slik baby-silikonform på Ebay. Så no gleder eg meg til å byrje å planlegge både kaka og heile dåpen! Planlegginga er jo halve moroa!

 

Ynskjer alle ein hærlig mandagskveld og ei fin ny "kvardagsveke"!

 

Klem frå meg <3