Når våren byrjar så vidt å vise sine småtegn står bursdagene i kø her i familien. Så nært som alle utanom tre stykker til saman frå både min og mannen sin familie har bursdag frå no i februar til me avslutter med min dag i april. Så kjem barnebursdager og vennebursdager i tillegg. Eg syns det er veldig koselig med alle desse bursdagene, både å stelle i stand sjølv og å gå på besøk.
Men det blir jo ein liten formue i gåver. Så i år har eg tenkt å vera litt føre var og planlegge godt! Mykje vil eg prøva å laga sjølv, det er både kjekt økonomisk og veldig koselig å få noko som er heimelaga, syns iallfall eg.
Eit lite tips til den syglade:
Dette er altså laga på null komma niks.
Eit lite stykke stoff, trur det var ein halvmeter eg kjøpte av dette stoffet ein gong i tida.
Stoffet var bare ei lang remse. Det som trengtes var EIN saum på kortsidene, slik at du får ein "ring".
Og Voila! Du har eit tubeskjerf ingen har make til!
Ein kan sjølvsagt gjere meir utav det med blonder, pyntesaumer eller bånd. Men syns stoffet var så fint så ville ha det slik. Kantene er "råklipt" som det heiter, ville ikkje ha noko saum her slik at det vert litt frynsete i bruk.
Dette har eg laga til ei klubbvenninne som eg diverre ikkje fekk feirt dagen ilag med, men skal heldigvis i klubb med ho i morgon. Og ho elskar skjerf!! Spent på om ho kjem til å like dette=)
Til slutt eit bilete av kveldskosen eg laga til meg og mannen mens han tok kveldsstellet. Kjekt å overraske sin kjære av og til=)
Sunt og godt med banan, appelsin, blåbær og cottage cheese med eit lite kaneldryss.
Ynskjer alle som er innom ein fortsatt fin torsdagskveld!
