17. mai

Hurra for 17.mai!

Gratulera med dagen til alle der ute.

 

 

Me har hatt koselig familiebesøk i dag både på formiddagen og ettermiddagen. Serveringa har vore den tradisjonsrike rømmegrauten med spekemat og anna godt tilbehør. Ingen 17.mai utan rømmegraut for min del.

 

 

Borddekkinga i dag vart enkel med 17.mai tema sjølvsagt.

Nokre eplegreiner frå hagen med alldeles nydelig duft og kvitveis plukka saman med storesøster. Må bare sei at stova mi dufter nydelig godt etter eg tok inn desse eplegreinene i går.

-sommerkjensle-

 

Fekk så lyst å lage skuleboller, hugser godt mamma lagde skuleboller til oss, og det var noko av det beste me kunne få av bakst. Syns det er så koselig å gjere ting for ungane som eg syns var kjekt å få sjølv som liten. Bringer gode minner.

 

 

Ostekake etter oppskrift frå GodMorgenNorge og Ida som vann "hele Norge baker". Den var enkel å lage og veldig frisk og god=) Med god hjelp til pynting av storesøster vart den eit fint innslag i 17.mai feiringa.

 

 

Storproduksjon av både boller, brød og rundstykker. Når ein først byrjer å bake så kvifor ikkje fylle opp frysen litt? (Dette blei forresten gjort i går). 

 

 

 

Ein enda enklere borddekning til kaffigjestene. I dag ville eg bruke lite tid på slike "materielle" ting og heller bruke tida på ungene og familien. Rett og slett nyte dagen saman(og ete masse is).

 

 

Litt av bordpynten var mamma`s gamle bunadsbelte og søljer. Enda fleire gode minner frå mi gode mor som eg diverre ikkje har med meg lenger.

 

 

Håper dåke har hatt ein like fin 17.mai feiring som meg og ynskjer dåke ei god pinsehelg. Vèrgudane var ikkje heilt med oss her i dag, men i morgon derimot er det meldt sol og 23 grader. Håper, håper, håper det blir som meldt!!

Blomstersøndag

God kveld!

 

I går fekk eg endelig planta litt ute. Har ikkje fått gjort nokonting utandørs i år. Har vore så utrulig mykje dårlig vèr(og med liten baby i hus vert det andre prioriteringar sjølvsagt). Håpar det snur snart. Godt å få litt blomar i potter og kar ute til 17.mai. Tidligare har eg som regel planta i balkongkassane 1.mai, men i år var det ikkje så lett med regnet og vinden som herja her på vestlandet ved inngangen til maimånaden.

 

 

 

Med god hjelp frå storesøster vart det ein koselig formiddagsaktivitet. Og godt var det at me kom oss ut tidlig, for utpå dagen skya det til og regnet kom nok ein gong over oss.

 

I heimen holder me på med eit stort oppussingsprosjekt. Gleder meg til å vise resultat og før/etter bilete.

 

 

Ynskjer alle som er innom ein god mandagskveld og ei fortsatt fin veke=)

Todays Special

Dei siste månadane har eg byrja å planlegge middagane ei veke og to fram i tid. Det lønner seg virkelig har eg erfart! Då veit eg alltid kva eg skal lage og ein sparer mykje penger på å ha ei skikkelig handleliste! Her snakker me nokre tusenlappar i månaden altså!!

 

 

Dagens middag; Kylling- og grønnsakssuppe med curry og kokosmelk servert i den fine panna mi frå Riviera Maison. Oppskrifta på suppa finn du her. Skikkelig god suppe! Eg erstatta løk og kvitløk med selleristang sidan eg ikkje vil eta løk når eg ammer.

 

 

Scones er enkelt, fort gjort og smaker veldig godt!

 

Mitt neste prosjekt er å male ei plate i tavlemaling som kan henge på kjøkkenet til vekesmeny. Malinga er kjøpt inn, så no mangler eg plata og tida til å få gjort det.

 

Ynskjer alle ei finfin veka vidare!!

Søtsaker

God mandagskveld!

Her kjem kakebileta frå den koselige bursdagsfeiringa mi saman med venninner. Alle oppskriftene eg har brukt her er frå passion4baking sin blogg. Den dama lager så utrulig mykje fine kaker og andre delikate søtsaker.

Denne kaka heiter Oreo & Strawberry cheesecake, oppskrifta finn du her. Ei kake som var enkel å lage og den kan du jo faktisk ha på lur i fryseren også. Eg tok den opp eit par timer før servering og då var den akkurat passe frossen.

Smaken var heilt nydelig!

Så var det desse makronene eg nemnte i forrige innlegg. Så lenge har eg tenkt å prøve meg på desse, men har høyrt at det er ganske vanskelig å få til så har liksom ikkje vågt meg utpå. Men endelig fekk eg mota meg opp til å prøve. Framgangsmåten er i grunn såre enkel, men mykje kan skje.

Hadde litt pink pastafarge i massen ilag med white icing color fra Wilton for å få ein litt meir pastelrosa farge.

Nokre tips på vegen til vellykka makroner:

*Ha heilt rein og tørr bolle når du visper eggekviten

*Eggekviten må ha romtemperatur, ha dei gjerne ute eit døgn

*Ha ei ekstra bakeplate under i omnen

*Ikkje bruk varmluft

*La dei stå å tørke i ca ein time før steiking, til det danner seg ei skorpe på overflaten

Såg dåke på HeleNorgeBaker i går? Vel, eg tviler på at Pascal hadde blitt "glad i munnen sin", men eg må sei meg nøgd. Det er smaken som teller mest og her syns eg smaken var heilt nydelig=)

Oppskrifta finn du her.

 

Til slutt eit bilete av cupcakes som eg nesten alltid har i selskap. Denne gangen prøvde eg Pink-white velvet cupcakes. Sjølve muffinsen vart mykje saftigare enn mange av dei andre oppskriftene eg har prøvd. Sjølv etter to dagar var den saftig og kremen frisk og god.

 

Til pyntinga fekk eg god hjelp av storesøster(3 år), så det vart så som så, men som sagt; det er smaken som teller!

 

 

I dag har me vore på 6-vekers kontroll. Og jammen har litlebror vokst! Han har strekt seg ein cm i veka, heilt utruleg kor fort det går!

 

Ynskjer alle som er innom ein finfin mandagskveld! Tenkte eg skulle prøve å komme meg tidlig i seng i dag så eg får lest nokre kapittel om Harry Hole utan at det går utover nattesøvnen. Vanskelig å legge frå seg!=)

Bord dekk deg!

God fredag!

 

Då var fredagen endelig her! Det er alltid like godt syns eg. Sjølv om eg går heime om dagane er det liksom ekstra kos med helg, tanken på å ha mann og barn heime heile dagane. Bare kose oss som familie!

-Lykke-

 

I går hadde eg jentene mine på besøk for å feira meg sjølv, -neste torsdag vert eg nemleg heile 25 år!

 

 

Eg kosar meg skikkelig når eg får planlegge, pynte og stelle i stand. Skulle nesten hatt eit yrke innan dette sidan eg syns det er så kjekt. Men det hadde vel kanskje tatt ein del av gleden ved det. Så får holde det til ein hobby tenker eg, og kose meg når eg holder på.

 

 

Temaet var litt ubesluttsomt sidan eg hadde så mange idèar, men eg klarte no å holde meg til forholdsvis enkle ting; svart/kvitt iblanda naturmaterial og ein touch rosa.

 

 

Rosa ranunkler, hjerter og tresommerfugler frå MesterGrønn, skåler frå TineKhome med kubbelys i, Kähler vase(som eg har lagt min elsk på), pusekatter og trefjøler som eg har tjuvlånt av pappa.

 

 

 

 

 

Reagensrøyr med oppheng frå Søstrene Grene. Syns dei blei så søte i lysekrona.

 

 

Bordkort laga av dekorpapir, stoffhjerter og dymo. Alt er ting eg hadde liggande. Syns det er noko med det å kunne bruke det ein har til selskap og ikkje kjøpe ein heil masse nytt, sjølv om det kan vera veldig fristande til tider!

Her måtte gjestene altså klare å finne ut kven som var kven før dei fekk setje seg ned. Noko som viste seg å verta svært så artig. Syns det er ekstra koselig å finne på noko litt ekstra, skal ikkje alltid så mykje til, men det gir ein god stemning og får fart på praten.

 

(Dette var då meg, sidan eg ammar;-))

 

Prøvde meg på macarons for første gang. Må innrømme at eg var veldig spent på om eg skulle få det til, så det var ikkje akkurat "hovudserveringa". Men må sei meg ganske nøgd med dette førstegangsresultatet. Langt ifrå perfekt, men smaken og konsistensen vart heilt nydeleg! Fleir bilete av desse og resten av kakene i neste innlegg=))

 

 

Ynskjer alle mine fine lesara ein nydelig start på helga!

 

Klem frå meg<3

Jentebursdag

God laurdagskveld!

 

Her har me endelig fått feira 3-årsdagen til storesøster i dag. Kan tru ho har gleda seg stort til denne dagen, men det har vore såå lenge å venta. Måtte nesten venta til litlebror var blitt litt større før me fylte huset me barn. Dagen har vore kjempekoselig, både for store og små.

 

 

Rosafaktoren var høg då me diskuterte kva tema til bursdagen skulle vera. Roosa og litt lilla. Mor syns det er heilt greit med rååsa sidan ho er så glad i fargen sjølv.

-gladfarge-heimalaga pomponger-

 

 

I går kveld fekk eg bakt ei sjokoladekake med marsipantrekk. Den har eit lag med oreokrem og eit lag med melkesjokoladekrem inni. Mmm, skikkelig saftig og god! Tanken var at eg skulle øve meg litt til dåpskaka. Så pynten vart slikt diamantmønster. Syns det er så fint! Første gong eg prøver det, så ser det trengs litt øvelse her ja. Kjenner eg gleder meg skikkelig til dåpsplanlegging no.

 

Planen var å pynte kaka med ei slik 3D krone som eg laga av royal icing(melis og eggekviter), men då eg skulle ta den av papiret sklei den og deisa i gulvet. Vel, vel tenkte husmora midt mellom amming, gulvvask og borddekking, -noko måtte det jo vera. Ikkje så mykje å gjera med, så ingen grunn til å bli alt for oppgitt. Bedre lykke neste gong=)

 

 

Bordet fekk eg ikkje tatt bilete av før gjestene var plassert og kaka spretta. Men ein enkel dekning med einstilksroser, tallerkner og kopper med prinsesser på og lilla polkadots-servietter og lilla sugerøyr.

 

I går var storesøster med og laga lilla og rosa gele, kan tru det var stas! Syns det var genialt å ha dei i slike glas, lite søl og lite oppvask.

 

No har roen senka seg og oppvasken er tatt. Husbonden har laga laurdagspizza så no er me klar for sofakos og snart artistgalla.

Hærlig.

 

Ein god laurdagskveld til deg!! =)

Bleiekake

God morgon =)

I forrige innlegg nemnte eg denne bleiekaka eg laga til niesa mi sin dåp. Sidan eg ikkje orka å lage dåpskaka, måtte eg jo lage ei anna slags kake. Så då vart det bleiekake. Hehe=) Ein litt uvanlig dåpspresang, men den fall i god jord både av mottakarane og gjestene.

Borden rundt designa eg på word og limte på dekorark rundt heile vegen med ulike tekster som; Gratulera med dåpsdagen M, Glede, Lykke o.l.

Som dekor hengte på eit par heimastrikka tøfler til ei lita tulle.

Og slik såg den ut ferdig innpakka i cellofan. To lag med bleier og fleecedressen i rosaprikkete gavepapir på toppen.

Ynskjer alle som er innom ein finfin tirsdag!!